Терроризм ғәйепләнә

3 сентябрь - Рәсәй календарындағы иң фажиғәле иҫтәлекле даталарҙың береһе - Террорға ҡаршы көрәштә теләктәшлек көнө. Был көндө Рәсәй Бесландағы террористик һөжүм ҡорбандарын, Дубровка, Буденновск, Первомайск ҡалаларындағы театр үҙәгендә, Мәскәүҙә, Буйнаҡта һәм Волгодонскиҙағы торлаҡ йорттар шартлауы һөҙөмтәһендә террорсылар ҡулынан һәләк булған меңләгән ватандаштарыбыҙҙы, ҡасан да булһа күп милләтле халҡыбыҙ осраған террористик агрессия ҡорбандарын иҫкә ала. Террорға ҡаршы көрәштә теләктәшлек көнө дәүләт менән йәмғиәттең терроризм кеүек ҡурҡыныс күренешкә ҡаршы көрәштә берләшеүен символлаштыра.

Был көндө бик күп учреждениеларҙа төрлө саралар ойошторола. Дәүләкән үҙәк район китапханаһында ла ошо йәһәттән китап уҡыусылар менән «Терроризм ғәйепләнә» тигән әңгәмә үткәрелгән.