Йәнә янғындар, йәнә өҙөлгән ғүмерҙәр...

Ял көндәре беҙгә йәнә күңелһеҙ һандар килтерҙе: республика буйынса 41 янғын сыҡҡан, ике кеше һәләк булған. Йәнә кеше ғүмере өҙөлгән...

Янғын часы хеҙмәткәрҙәре даими иҫкәртеү эштәре алып барыуға ҡарамаҫтан, ут сығыу осраҡтары кәмемәй. Ә бит тикшереүҙәр үткәрелеп тора.

Үткән аҙнала Дәүләкән ҡалаһында янғын часы хеҙмәткәрҙәре өй беренсә йөрөп, йылытыу приборҙарының, электр сымдарының төҙөклөгөн тикшерҙе. Улар әйтеүенсә, ҡазаның күпселегенә кешеләрҙең битарафлығы сәбәпсе. Иҫкергән электр сымдарын заманса сымдарға алмаштырырға, электр приборҙарының төҙөклөгөн даими тикшереп торорға кәрәк ти улар. Улар таратҡан памяткаларҙа ла шул хаҡта әйтелә