«Кредит ойошмалары менән бизнес араһында үҙ-ара аңлашыу кәрәк»

«Развитие региональных финансовых систем и инструментов финансирования бизнеса» тип аталған ултырыш сараның тәүге көнөндәге төп ваҡиға булды. Сессия финанс тармағы эксперттарының позицияһын һәм финанс баҙары һәм иҡтисадты тотороҡландырыу буйынса тәҡдимдәрен ҡарауға йүнәлтелгәйне. Дискуссияның модераторы булып Рәсәй Сауҙа-сәнәғәт палатаһының финанс-иҡтисади һәм инвестиция сәйәсәте  Советы рәйесе Владимир Гамза сығыш яһаны. Сарала аҡса-кредит сәйәсәтен яйға һалыу буйынса көрсөккә ҡаршы ашағыс саралар, иҡтисадтан тыш эшмәкәрлек,  инвестиция эшмәкәрлеге буйынса, кредит ойошмаларына талаптар ҡаралды.

Рәсәй Сауҙа-сәнәғәт палатаһы вице-президенты Дмитрий Курочкин төбәк банкингының үҫешен яҡлауын билдәләп үтте.

БР  Сауҙа-сәнәғәт палатаһы президенты Тимур Хәкимов Рәсәй Федерацияһына ҡаршы санкциялар шарттарында  Башҡортостанда бизнесҡа финанс ярҙамы тураһында һөйләне.

-Төбәктә бизнесҡа ярҙам итеү өсөн санкцияларҙа ҡаршы саралар раҫланған, - тине ул. – Ковид таралыу айҡанлы сикләүҙәргә ҡарамаҫтан, предприятиелар әүҙем үҫешеүен дауам итте. Иң эре бизнес-берләшмә һәр предприятие менән айырым эш алып бара.

Ул шулай уҡ төбәк Башлығы Радий Хәбиров ҡатнашлығында «Инвестиция сәғәттәре» үткәрелеүен, уларҙа республика иҡтисады үҫешенә инвестицияларға заявкалар ҡаралыуын билдәләне.