Алтынайҙы ҡотлайбыҙ!

Рәсәй Эске эштәр министрлығының Дәүләкән районы буйынса бүлеге һәм Йәмәғәт советы мәктәп уҡыусылары араһында “Полиция - балалар күҙлегенән” тип аталған һүрәттәр конкурсы иғлан иткәйне. Үҙҙәренең эштәрендә балалар полиция хеҙмәтенең эшен сағылдырырға тейеш ине. Әйтергә кәрәк, уҡыусылар конкурсҡа бик етди ҡараған, араларында матур, сағыу буяуҙар менән төшөрөлгән һүрәттәр бихисап булды.8-10 йәш төркөмө буйынса эштәр араһында “Юл хәрәкәте ҡағиҙәләрен күҙәтегеҙ” номинацияһында 3-сө башҡорт гимназия-интернатының 4А класы уҡыусыһы Алтынай Әминованың һүрәте иң яҡшыһы тип танылды һәм ҡыҙға беренсе урын бирелде.Эске эштәр органдары хеҙмәткәрҙәре көнөнә арналған тантаналы йыйылышта уға Диплом тапшырылды.Был награда Алтынайҙы уғата илһамландырған, дәртләндергән. Беҙ уны сираттағы уңышы менән ихлас ҡотлайбыҙ, яңы ижади бейеклектәр теләп ҡалабыҙ.