Гәзит-журнал – ярҙамсы, дуҫ!

Подписка кампанияһы ҡыҙғандан-ҡыҙа бара. Яратҡан гәзит-журналдарынан айырылмаҫ өсөн подписчиктар почта бүлексәләренә ашыға. Ауыл китапханалары ла был эштән ситтә ҡалмай. Һәр береһе матбуғат баҫмаларын алдыра, халыҡты илдәге үҙгәрештәр, республика яңылыҡтары менән таныштырып бара.

Ҡамсылытамаҡ ауылы китапханаһына кешеләр ихлас йөрөй. Китап уҡырға яратыусылар бихисап. Бер уңайҙан улар матбуғат баҫмаларына ҡағылышлы күргәҙмә менән дә таныша.