Урам тулы камера, тиҙлек режимын күҙәтегеҙ!

Йыл аҙағы водителдәр өсөн ҡала урамдарына күпләп камералар урынлаштырылыуы менән иҫтә ҡалыр, моғайын. Ниндәй генә “текә” машинала йөрөһәк тә, барыбыҙ өсөн дә бер булған юл ҡағиҙәләрен теүәл күҙәтергә тейешбеҙ. Камералар тап шул маҡсатта ҡуйыла ла инде.

Иптәшем менән Карл Маркс урамы буйлап китеп барабыҙ. Тиҙлек режимы тураһында онотма, камералар һине күҙәтеп тора, тип иҫенә төшөрөп барам. Ысынлап та, бер нисә метр үткәс камера ҡуйылған ер күҙгә салынды.

Яңы йылда күпләп штраф түләргә телмәйһегеҙ икән, тиҙлек режимын күҙәтегеҙ, хөрмәтле водителдәр!