Рәсәй банкы валюта менән операцияларҙың ваҡытлыса тәртибен индерә

Рәсәй банкы 2022 йылдың 9 мартынан 9 сентябренә тиклем аҡсаны валюта вкладтарынан йәки граждандарҙың иҫәбенән алыуҙың түбәндәге тәртибен билдәләй: Клиенттарҙың барлыҡ аҡсалары валюта иҫәбендә йәки вкладтарҙа һаҡланған һәм вклад валютаһында иҫәпкә алынған, клиент 10 мең долларғаса валютала, ә ҡалған аҡсаларҙы түләү көнөнә баҙар курсы буйынса һумдарҙа банктарҙан ала ала.

МӨҺИМ!!! Илгә долларҙың инеүе санкциялар менән сикләнгән, был банктарҙың ҡулаҡсалы сит ил валютаһын һатыуы менән бәйле махсус саралар индереүҙең берҙән-бер сәбәбе. Һумдарҙа һалынған аҡсаларға һәм асылған иҫәптәргә санкциялар бер ниндәй ҙә йоғонто яһамай. Аҡсалар иҫәптә һаҡланған, бөтә операциялар ҙа теләгән ваҡытта башҡарылырға мөмкин.

Рәсәй банктарында валюта иҫәбенең 90 проценты тиерлек 10 мең долларҙан артмай, йәғни валюта вкладтары йәки иҫәптәре тотоусыларҙың 90 проценты үҙ аҡсаһын ҡулаҡса менән тулыһынса ала аласаҡ.

Ошо ваҡытлыса тәртип ғәмәлдә булған осорҙа валюталар, валюта иҫәбенең ниндәй булыуына ҡарамаҫтан, түләү көнөнә баҙар курсы буйынса АҠШ долларҙарында биреләсәк. Башҡа валюталар долларға түләү көнөнә баҙар курсы буйынса алмаштырыласаҡ.

Валютаны банк кассаларында алырға мөмкин.

Граждандар аҡсаларын валюта вкладтарында йәки иҫәптәрҙә һаҡлауын дауам итә ала. Барлыҡ аҡсалар иҫәп йәки вклад асылған валютала иҫәпкә алына һәм һаҡланасаҡ. Вклад йәки иҫәп буйынса шарттар үҙгәрмәй. Вкладтар буйынса проценттар, ғәҙәттәгесә, вклад асылған валютала иҫәпләнәсәк.

Граждандар яңы валюта иҫәптәре һәм вкладтары ла аса ала, әммә ҡулаҡса менән операцияларҙың ваҡытлыса тәртибе ғәмәлдә булғанда, уларҙан аҡсаны түләү көнөнә баҙар курсы буйынса бары тик һумдарҙа ғына алырға мөмкин буласаҡ. Ваҡытлыса тәртип ғәмәлдә булған осорҙа банктар граждандарға ҡулаҡса валюталары һатмаясаҡ. Ҡулаҡса валюталарын  теләһә ниндәй ваҡытта һәм теләһә ниндәй күләмдә һумдарға алмаштырырға мөмкин.

Бөтә банктарҙың клиенттары ла үҙҙәренең валюта вкладтарынан йәки иҫәптәренән аҡсаларын ала ала. Аныҡ бүлексәгә ҡулаҡса валютаһының тейешле күләмен килтереү өсөн банктарға бер нисә көн талап ителергә мөмкин.