Көндөҙгө лагерь

3-сө башҡорт гимназия-интернатында “Йәйләү” тип исемләнгә көндөҙгө ял лагеры эшләй. Балалар унда ихлас йөрөй. Уҡыу йылынан һуң уҡыусылар ял итһендәр, көс йыйһындар өсөн педагогтар бар көсөн һала. Бында тыуған яҡ буйлап экскурсиялар, тәбиғәт ҡосағына сығыу, төрлө сараларҙа ҡатнашыу ҡаралған. Ошо көндәрҙә улар күмәкләп ҡала китапханаһына барған. Китапханасылар яңы баҫмалар, сағыу тышлы китаптар менән таныштырған. Был сәйәхәт барыһына ла бик оҡшаған.