Һәр кем үҙ белемен тикшерҙе

Акцияла ҡатнашыу өсөн алдан https://bashkdictant.ru/ сайтында теркәлергә кәрәк ине. Быйыл ул онлайн-форматта тте. Был бөтә донъялағы эпидемиологик хәлгә бәйле. Ҡатнашыусыларға тәүге тапҡыр төньяҡ-көнбайыш диалектында текст уҡынылар. Уны билдәле яҙыусы-сатирик Марсель Сәлимов уҡыны. Башҡорт телен өйрәнә генә башлағандар һәм иркен аралашыусылар этномузыкант Заһир Зәйнетдинов һәм диктор Флүрә Мурзина уҡыған тексты яҙҙы.

Акцияла теләге булған һәр кем ҡатнаша алды. Дәүләкәндәр ҙә ошондай күләмле сараға әүҙем ҡушылды.

Мәғариф идаралығы методисы Н.Ә. Ғизәтуллина әйтеүенсә, диктант яҙыуҙа 800-ҙән ашыу кеше ҡатнашҡан, улар араһында – дөйөм белем биреү учреждениелары уҡыусылар һәм уларҙың ата-әсәләре, педагогтар, ҡала һәм район хакимиәттәре, Дәүләкән районы башҡорттары ҡоролтайы башҡарма комитеты, йәмәғәтселек вәкилдәре, предприятиелар һәм ойошмалар хеҙмәткәрҙәре һәм башҡалар бар.