«Үҙ эшемде яратам...»

«Яҡшы уҡытыусы булыу өсөн эшеңде генә түгел, ә уҡыусыларыңды ла бар йөрәктән яратырға кәрәк», - ти 4-се лицейҙың башланғыс кластар уҡытыусыһы Елена Викторовна Дубинкина .

Уҡытыусы һөнәре бөтә ваҡыттарҙа ла иң почетлыһы ғына түгел, ә шул уҡ ваҡытта ауыры ла булып иҫәпләнә. Тәжрибәңде йәштәргә, яңы ғына үҙаллы тормошҡа аяҡ баҫыусы балаларға, тапшыра белеү – ул талант. Һәр уҡытыусы тап уның уҡыусылары киләсәктә ҙур уңыштарға өлгәшеүен теләйҙер, моғайын. Шулай килеп сыҡһа, был һәр уҡытыусы өсөн шатлыҡ, әлбиттә. Ә шатлыҡтың иң ҙуры - ул уҡыусыларҙың ихтирамы.

Үҙеңдең ҡарамағыңдағыларҙа иң яҡшы сифаттар ғына тәрбиәләү, уларҙы изге күңелле һәм миһырбанлы булырға өйрәтеү өсөн күпме көс һәм сыҙамлылыҡ сарыф итергә кәрәк.

Беҙ бөтәбеҙ ҙә тәүге тапҡыр мәктәпкә барған 1 сентябрь иртәһен яҡшы хәтерләйбеҙ. Ул беренсе ҡыңғырау зыңлауынан, беренсе кластарҙың күңелле көлөүенән һәм, әлбиттә, беренсе уҡытыусыңдың изге йылмайыуынан башлана. Һәм тәүге уҡытыусылары Оло йөрәкле ысын уҡытыусы булғандар тормошта үҙҙәрен бәхетле тип һанай ала. Беҙ бөгөн һеҙгә шундай педагогтарҙың береһе, 4-се лицейҙың башланғыс кластар уҡытыусыһы Елена Викторовна Дубинкина тураһында һөйләп китәбеҙ.

Педагог булыу өсөн унда бөтә нимә: аҡыл, тышҡы матурлыҡ, күңел йылылығы, сыҙамлылыҡ, бөтмәҫлек дәрт һәм һөнәренә ҡарата ғына түгел, ә үҙенең тәрбиәләнеүселәренә ҡарата ла тәрән һөйөү хисе бар. Шуға ла ул бына инде 27-се йыл башланғыс кластар уҡытыусыһы булып хеҙмәт һала.

«Мин Әлшәй районының Мечников ауылында тыуып үҫтем, - тип үҙе тураһында һөйләй башлай ул, - ошонда урта мәктәпте тамамланым. Мәктәптә уҡығанда уҡ уҡытыусы булыу хаҡындағы хыялым мине 1990 йылда Бәләбәй педагогия училищеһына алып килде. 1993 йылда диплом алғандан һуң, тормош иптәшемдең тыуған ҡалаһына күстек һәм мин Дәүләкән ҡалаһының 2-се урта мәктәбендә башланғыс кластар уҡытыусыһы булып хеҙмәт юлын башланым. 2006 йылда был мәктәп ябылғандан һуң, 7-се урта мәктәпкә, ә уҙған йылдан башлап, 4-се лицейға эшкә күстем. Эшемде бик яратам, тормошомдо балаларҙың балҡып янған ҡараштарынан, уларҙың күп һанлы төрлө һорауҙарынан, тырышлыҡтарынан башҡа күҙ алдыма ла килтерә алмайым».

Төплө белеме, методик оҫталығы, уҡытыусының эрудицияһы мәктәп етәкселеге тарафынан юғары баһалана. Ул район мәғариф идаралығының күп һанлы почет грамоталары, дипломдары һәм рәхмәт хаттарына лайыҡ булған. Уҡыусылары ла йыш ҡына мәктәп, район конкурстарында призлы урындарҙы яулай.

Л.Н. Толстой яҡшы уҡытыусы булыу өсөн тик ике сифат – төплө белем һәм оло йөрәк кенә кәрәк, тигән. Был сифаттарҙың икеһе лә 4-се лицейҙың башланғыс кластар уҡытыусыһы Елена Викторовна Дубинкинала бар.

Һөнәри байрамдары – Уҡытыусылар көнө алдынан уға ныҡлы сәләмәтлек, ижади уңыштар, ғүмер юлында күберәк күңел йылылығы, хеҙмәтенең тик шатлыҡ һәм ҡәнәғәтләнеү тойғолары ғына килтереүен, ә уның исеменә тик ихтирам һәм рәхмәт һүҙҙәре генә яңғырауын теләйбеҙ.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1