Уҡытыусылар көнө

Мәғариф хеҙмәткәрҙәренең һөнәри байрамы – Уҡытыусылар көнө – 2020 йылда дүшәмбе, 5октябргә, тура килә. Был байрамды Рәсәйҙә 50 йылдан ашыу билдәләйҙәр. Уҡытыусылар көнө Берләшкән милләттәр ойошмаһының халыҡ-ара һәм бөтә донъя байрамдары иҫәбенә инә, шуға донъяның 100-ҙән ашыу илендә өлкәндәр һәм балалар үҙҙәренең остаздарын ҡотлаясаҡ.

Уҡытыусылар көнөндә педагогтар уҡыусыларынан, мәктәп сығарылыусыларынан һәм уларҙың ата-әсәләренән, коллегаларынан, дуҫтарынан һәм яҡындарынан ҡотлауҙар ҡабул итә. Был көндә педагог һөнәренең мөһимлеге тураһында иҫкә төшөрөү, уҡытыусыларға һәм остаздарға уларҙың еңел булмаған эштәре өсөн рәхмәт әйтеү ғәҙәти күренешкә әйләнгән. Уҡытыусылар көнөн дөйөм белем биреү учреждениелары педагогтары ғына түгел, ә үҙҙәренең тәжрибәләрен башҡалар менән уртаҡлашҡан башҡа остаздар һәм мастерҙар ҙа билдәләй.

Педагогтар байрамында уҡытыусыларға, шул иҫәптән элеккеләренә лә, сәскә гөлләмәләре бүләк итәләр. Ғәҙәттә, уҡыусылар 5 октябрҙә мәктәптә үҙидаралыҡ көнө уҙғара, стена гәзиттәре сығара. Әммә уҡытыусылар был көндә ял итмәй – Уҡытыусылар көнө ял көнө тип иҫәпләнмәй. Мәктәптәрҙә был көндә ҡыҫҡартылған дәрестәр уҙа.

Беҙ ҙә ошо байрам уңайынан бөтә педагогтарҙы һөнәри байрамдары менән ҡотлайбыҙ. Уларға ныҡлы сәләмәтлек, ғаилә именлеге, оҙон ғүмер һәм аҡыллы уҡыусылар һәм уларҙы үҙ арттарынан эйәртеп, артабан да арымай-талмай белем үрҙәренә артылыуҙарын теләйбеҙ.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1