Республика көнө уңайынан бүләкләнеләр

Был көнгә өс байрам датаһы тура килә. Иртәгә, 11 октябрҙә, ауыл хужалығы һәм етештереүсе сәнәғәт хеҙмәткәрҙәре көнө лә билдәләнә. Шулай уҡ районыбыҙҙың 90 йыллыҡ юбилейын да ошо көндә үткәрергә ҡарар ителгән. Шул уңайҙан район халҡын ошо байрамдар менән дә ҡотланылар һәм районыбыҙҙың ауыл хужалығы, мәғариф һәм башҡа тармаҡтарҙың алдынғы хеҙмәткәрҙәрен тәбрикләү тантанаһы ла үтте. Уларға почет грамоталары, дипломдар, рәхмәт хаттары тапшырылды.Бүләкләнеүселәр араһында 7-се урта мәктәптең башҡорт теле һәм әҙәбиәте уҡытыусыһы Альбина Зайнулла ҡыҙы Яныбаева ла бар.

Альбина Зайнулла ҡыҙы Дәүләкән ҡалаһында тыуып үҫкән. Башҡорт мәктәбендә уҡымаһа ла, тыуған теленә булған һөйөү хисе уны башҡорт теле һәм әҙәбиәте уҡытыусыһы һөнәрен һайларға этәрә. Ҡулына диплом алғандан һуң, 1998 йылда Сергиополь урта мәктәбендә хеҙмәт юлын башлай. Артабан 2006 йылда 7-се урта мәктәптә эшен дауам итә. Шул көндән алып, бына инде 14-се йыл, ошо мәктәптә башҡорт теле уҡытыусыһы булып хеҙмәт һала.

Альбина Зайнулла ҡыҙына класс етәкселеге лә бирелгән. Уның уҡыусылары район кимәлендәге олимпиадаларҙа, төрлө конкурстарҙа ҡатнаша һәм призлы урындарҙы яулай.

Мәғариф министры Айбулат Вәкил улы Хажин ҡул ҡуйған рәхмәт хатына башҡорт теле уҡытыусыһы "Башҡорт теленән халыҡ-ара диктант" Халыҡ-ара мәғариф акцияһының эксперт комиссияһы составында әүҙем эшләгәне өсөн лайыҡ булды.

Бөгөнгө байрам көнөндә ҡаланың үҙәк сәхнәһенә сығып, район етәкселеге ҡулынан рәхмәт хаты алыу - Альбина Зайнулла ҡыҙы Яныбаева өсөн ҙур ғорурлыҡ һәм киләсәккә яңы маҡсаттар, яңы ынтылыштар ҡуйыу ул.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1