Лицей-интернат уҡыусылары Асылыкүл буйында

География уҡытыусыһы Рузилә Шафиҡова етәкселегендә туғыҙынсы класс уҡыусылары яр буйҙарын сүп-сарҙан таҙартты. Бынан тыш легендар “Заятүләк менән Һыуһылыу” эпосының тарихы тап ошо күлгә бәйле булыуын белде. Уҡыусыларҙа уның тарихы ҡыҙыҡһыныу уятты, легендаға ярашлы, Һыуһылыуҙың һыуҙан сығып, ултырып сәс тарарға яратҡан ташын ҡараны. Көҙгө Асылыкүл, сыуаҡ, матур көн, саф һауа кәйефтәрҙе күтәрҙе, онотолмаҫ ял минуттары бүләк итте.