Рим Хәсәнов йырҙарын башҡарыусылар конкурсы

2019 йылдың 20 сентябрендә Благовар районының Языково ауылында Рим Хәсәнов йырҙарын башҡарыусыларҙың республика асыҡ конкурс- фестивале уҙасаҡ. Конкурста ҡатнашырға 16 йәштән өлкәнерәк үҙешмәкәр һәм профессиональ яңғыҙ башҡарыусылар саҡырыла. Ансамблдәр һәм яңғыҙ башҡарыусылар Рим Хәсәнов яҙған төрлө жанрҙағы ике әҫәр әҙерләргә тейеш.

Конкурста ҡатнашыусыларҙың сығышын вокал буйынса уҡытыусылар, профессиональ башҡарыусылар, композиторҙар һәм уҙған йылдар конкурстары еңеүселәренән торған абруйлы жюри ағзалары баһалаясаҡ.

Конкурста ҡатнашыуға заявкаларҙы 13 сентябргә тиклем [email protected], [email protected] һәм [email protected] электрон адрестарына ебәрергә.