Театр йылы дауам итә!

Район Мәҙәниәт йортоноң театр түңәрәгендә шөғөлләнеүселәр яңы спектакль әҙерләү менән мәшғүл. Йыл һайын иғлан ителгән “Театр төнө”ндә улар тамашасыларҙы үҙ сығышы менән ҡыуандырмаҡсы. Был, әлбиттә, ентекле әҙерлек, ныҡышмалылыҡ, һәр кемдең үҙ ролен башҡарыуға яуаплы ҡарауын талап итә. Түңәрәк етәксеһе Айһылыу Латипова билдәләүенсә, һәүәҫкәр артистар бөгөн ролдәрен ятлай, репетицияларға килә. Уларға уңыштар теләп ҡалабыҙ.