Флешмобта ҡатнашыусыларҙан һый-ниғмәттәр...

Башҡорт халҡының милли аштары флешмобында ҡатнашыусылар һаны ла бихисап. Ауыл клубтары тарафынан тәҡдим ителгән башҡорт аштарының күп төрлөлөгө хайран ҡалдыра!

Мәҫәлән, Хөсәйен ауылынан Ҡорбанғәлиева Наҙгөл «Ҡаҙан ҡолағы», буранғолдар - картуф ҡыҫтыбыйы, Алға ауылынан Ригина Ғәзизова ҡош теле тәҡдим итһә, Поляковка ауылы торт әҙерләү буйынса оҫталыҡ дәресе ойошторҙо.

Ә Имай-Ҡарамалы, Буранғол, Көрмәнкәй ауылдарының мәҙәниәт йорттары хеҙмәткәрҙәре, Ҡыҙрастан Мөхәмәтрәхимова Гөлфиә Суфиян ҡыҙы бешергән ҙур бәлеш, бауырһаҡ һәм башҡа бик күп тәмлекәстәрҙән һәм Соколовка ауылынан Сәүиә Ҡунафина әҙерләгән төрлө һый-ниғмәттәрҙән өҫтәлдәр һығылып торҙо!

Бөтә фотоһүрәттәр һәм видеояҙмалар «КУЛЬТУРА и ИСКУССТВО в Давлекановском районе» төркөмөнән алынды.