«Сәнғәт төнө-2020» Бөтә Рәсәй акцияһы

Музей-театрҙар, күргәҙмә һәм концерт залдары, китапханалар һәм мәҙәниәт йорттары был юлы тематик сараларҙы онлайн-форматта уҙғара. Тамашасыларға сәнғәт тураһында төрлө лекциялар, коцерттар, конкурстар, флешмобтар, музей экспозициялары буйлап виртуаль сәйәхәт тәҡдим ителә. Шулай уҡ оҫталыҡ дәрестәре лә ойошторола.

Район Мәҙәниәт йорто коллективы - акцияның бөтә сараларында ла әүҙем ҡатнашыусыларҙың береһе. Шулай уҡ уның ауылдарҙағы бер филиалы ла был эштән ситтә ҡалмай, дистанцион рәүештә бөтә конкурстарҙа ла ҡатнаша.

Ә флешмобтарҙың, конкурстарҙың ниндәйе генә юҡ: башҡорт халҡының милли аш-һыуҙары буйынса флешмоб, ҡул эштәре күргәҙмәһе, вокал конкурсы, оҫталыҡ дәрестәре, аш-һыу әҙерләү серҙәре менән бүлешеүсе видеолар һәм башҡалар...

Хөрмәтле төркөмдәштәр! «Сәнғәт төнө-2020» Бөтә Рәсәй акцияһы һеҙгә күңелле ял минуттары, тәҡдим ителгән эштәр менән яҡынданыраҡ танышыу мөмкинлеге бүләк итә.

Бөтә фотоһүрәттәр һәм видеояҙмалар «КУЛЬТУРА и ИСКУССТВО в Давлекановском районе» төркөмөнән алынды.