Телевидениела эшләүсе яҡташтарыбыҙ

Рәлиә Шайморат ҡыҙы Сәхибгәрәева - тележурналист. Дәүләкән районының Ҡыҙрас ауылында тыуып-үҫкән. 2009 йылда Ҡыҙрас урта мәктәбен көмөш миҙал менән тамамлаған. Башҡорт дәүләт университетында белем алған. БДУ журналистика факультетының дүртенсе курсында сағында "Башҡортостан" ДТРК-һы редакцияһының милли тапшырыуҙар бүлегенә практика үтергә килә. Коллегаларының рухи һәм һөнәри ярҙамы менән коллективта тиҙ арала үҙ кешегә әйләнә. Әлеге көндә тура эфирҙа эш көндәрендә иртәнге сәғәт 9-ҙа "Россия -1 - Башҡортостан" телеканалында башҡорт телендә сыҡҡан "Хәйерле иртә, Республика!" тапшырыуын алып бара. Шулай уҡ "Хәбәрҙәр" мәғлүмәттәр программаһы хәбәрсеһе лә булып тора. Телевидениены һәм радиотапшырыуҙарҙы үҫтере-гә ҙур өлөш индергәне һәм әүҙем йәмәғәт эшмәкәрлеге өсөн Башҡортостан Республикаһы Дәүләт Йыйылышы -Ҡоролтай р!йесенең Рәхмәт хаты менән бүләкләнгән.

"Был һөнәр миңә үҙемде асыу һәм башҡаларға ярҙам итеү мөмкинлеге бирә. Нормалаштырылмаған эш көнө һәм төрлө сетерекле хәлдәр сығып тороуына ҡарамаҫтан, тормошомдо телевидение менән бәйләгәнемә бер генә минут та үкенмгән сағым булманы. Эшемде бик яратам. Миңә көн һайын илһам биреп тороусы ижади, ординар булмаған кешеләр менә арҡаға арҡа терәп эшләүемә сикһеҙ шатмын", - тип тәьҫораттары менән уртаҡлаша Рәлиә.

Материал һәм фотолар Ҡыҙрас ауыл мәҙәниәт йортоноң Вконтакте төркөмөнән алынды.