Яңы виртуаль зал асылды

Стәрлетамаҡ дәүләт концерт-театр берекмәһендә асылған заманса виртуаль концерт залы Рәсәйҙең иң яҡшы залдарында башҡарылған музыкаль әҫәрҙәрҙе бөтә матурлығында тыңлау мөмкинлеге бирәсәк. Стәрлетамаҡтарҙың сығышын иһә республикала йәшәүселәр генә түгел, сит илдәр халыҡтары ла ҡарай аласаҡ. Залды асыу тантанаһында башҡарылған бейеүҙәрҙе Ҡаҙағстан Республикаһында ла ҡарағандар хатта. “Мәҙәниәт” милли проекты ярҙамында асылған концерт залы артистарға яңы мөмкинлектәр тыуҙыра.