Ҡотлайбыҙ!

Танылған диктор Наилә Ғәләүетдиноваға маҡтаулы исем бирелде.Был турала беҙҙең сайтта уҡығыҙ.

Ғәләүетдинова Наилә Ғизетдин ҡыҙы Архангель районының Терекле ауылында тыуған. Рәми Ғарипов исемендәге 1-се һанлы интернат-мәктәптә белем алған. Сәнғәт училищеһының театр бүлеген тамамлаған. БР халыҡ артисы.

Училищены тамамлағас, 1965 йылда саҡырыу буйынса башҡорт радиоһында диктор булып хеҙмәт юлын башлай. Шул көндән башлап яратҡан эше менән айырылғаны юҡ.

Тормош иптәше Мансур - нефтсе, Гүзәл һәм Эльза исемле ике ҡыҙҙары бар. Өлкән ҡыҙы нефть университетында белем алған, төҙөлөш фирмаһында эшләп йөрөй, кесе ҡыҙҙары - уҡытыусы.

Наилә Ғизетдин ҡыҙы эшен бик ярата. Моданы күҙәтеп бара. Сәс ҡырҡтырырға ике салонға йөрөй - "Камелия" салонына һәм Октябрь Проспектындағы ябай бөҙрәханаға.

Ит аштарын, айырыуса билмән һәм бәлеште яратып ашай. Ресторандарға ҙур теләк менән бара. Яратҡан ресторандары - "Турист", "Өфө", "Пальмира".

Ашарға әҙерләргә ярата. Ҡунаҡтары өсөн аш-һыуҙы тик үҙе әҙерләй.

"Ауыр осорҙа йәшәйбеҙ. Шуға бер-беребеҙгә кешелеклерәк булһаҡ, бер-беребеҙҙе аңларға тырышһаҡ яҡшы булыр ине, - ти Наилә Ғәләүетдинова. - Үҙемдең эшемде яратам. Коллективыбыҙ һәйбәт, бер-береһенә ярҙамға килергә һәр саҡ әҙер. Үҙем дә йәштәргә ярҙам ҡулы һуҙырға тырышам".

Беҙ ҙә "көмөш тауышлы" яратҡан дикторыбыҙҙы мәртәбәле исем алыуы менән ҡотлайбыҙ һәм уға яңынан-яңы уңыштар теләйбеҙ.

Фото: "Юлдаш" радиоһы төркөмөнән алынды.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1