Яңы йыл менән!

Башҡортостан - күп милләтле төбәк. Унда йөҙҙән ашыу милләт вәкилдәре йәшәй. Республиканың төп халҡы - башҡорттар. Башҡортостанда шулай уҡ рустар, татарҙар, сыуаштар, мариҙар, украиндар, мордвалар, немецтар һәм башҡа милләт вәкилдәре ғүмер итә.
Туған телдә яңы йыл ҡотлауҙары флешмобына республиканың бөтә кешеләре лә ҡатнаша ала. Йәш буйынса сикләүҙәр юҡ. Флешмобтың маҡсаты - Башҡортостаныбыҙҙа йәшәгән милләттәрҙең берҙәмлеген сағыллырыу.
Ҡатнашыу өсөн ҡотлауҙар менән видеоролик төшөрөп, уны #ПоздравляюНаРодномЯзыке, #ТуғанТелемдәҠотлайым, #НовогоднийБашҡортостан хэштегтары менән социаль селтәрҙәрҙә урынлаштырырға кәрәк.

Районыбыҙ халҡы ла был сарала әүҙем ҡатнашыр, тип ышанабыҙ.

Ҡотлауҙар килә лә башланы инде. Уларҙың тәүгеһен Буранғол ауылынан Резеда Ҡорбанғәлиева һәм Минеямал Дәүләтбаева яҙып ебәргән. Уны һеҙҙең иғтибарға тәҡдим итәбеҙ һәм яҡташтарҙы сарала әүҙем ҡатнашырға саҡырып ҡалабыҙ.

Фото:https://rbsmi.ru/upload/iblock/bbe/bbe4d8567f6b