Байрам саралары

30 декабрь - Урам карнавалы көнө ине. Был көндә район Мәҙәниәт йорто филиалдарының күбеһендә саф һауала бал-маскарадтар ойошторолған.
Мәҫәлән, Буранғол, Ленинск, Көрмәнкәй, Дүртөйлө, Ҡыҙрас, Поляковка, Иҫке Мерәҫ, Александровка, Сергиополь ауылдарында был саралар бик күңелле уҙған. Уларҙа әкиәт геройҙары, урман йәнлектәре костюмдары кейгән ауыл халҡы төрлө конкурстарҙа, шаян викториналарҙа ҡатнашҡан, күңелле уйындарҙа таҫыллыҡта көс һынашҡан, йырҙар йырлаған, дәртле бейеүҙәр бейеп, күңел асҡан. Шулай уҡ был байрам кисәләрендә мәҙәниәт хеҙмәткәрҙәре йыл дауамында төрлө сараларҙа әүҙем ҡатнашҡандарға дипломдар, почет грамоталары, төрлө бүләктәр тапшырған.