Районда - Ҡышҡы уйындар көнө

Сара барышында хоккей буйынса ярыш, саф һауала "Атай, әсәй һәм мин - спорт ғаиләһе" форматында яңы йыл уйындары ойошторолдо. Унда ҡатнашыусылар ауыл буйлап ҡыңғыраулы аттарҙа йөрөнө, командаларға бүленеп, төрлө ярыштарҙа көс һынашты: арҡан тартышты, әкиәт геройҙары менән йүгерешеп, ярышты, гер күтәрҙе, тюбингтар менән бер-береһен һөйрәп йүгерҙе.
Соколовка, Көрмәнкәй, Раев ауылдары биләмәләренең хоккей командалары үҙ-ара көс һынашты. Ярыш бик көсөргәнешле булды. Уйын йомғаҡтары буйынса Раев ауыл Советы - беренсе, Соколовка ауыл Советы - икенсе, ә Көрмәнкәй ауылы командаһы өсөнсө урынды яуланы.