Беҙҙә ир-егеттәр ҙә китап уҡый!

Имай-Ҡарамалы ауылы китапханаһы буш тормай тиерлек. Берәүҙәр уҡып сыҡҡан китабын тапшыра, икенселәр гәзит-журнал ҡараштыра, хәл белешеп сығырға ғына теләүселәр ҙә бар. Китапханаға яңы китаптар ҡайтҡанын ишетһәләр, ауылдың ир-егеттәре лә ҙур ҡыҙыҡһыныу менән ошонда килә. Һәр кем үҙ зауығына тап килерҙәй әҫәр һайлай. Ғаилә башлыҡтарының башҡаларға өлгө күрһәтеүе ҡалай шәп!