"Тыуған яғым киңлектәре буйлап"

22 мартта Ҡоръятмаҫ ауылы китапханаһында "Тыуған яғым киңлектәре буйлап" тигән видеосәйәхәт ойошторғандар. Унда балалар Башҡортостан Республикаһының күп һанлы тәбиғәт ҡомартҡылары һәм һоҡланғыс, матур урындары менән танышҡан. "Тыуған яҡтың 7 ҡомартҡыһы" тигән буклетты ҙур ҡыҙыҡһыныу менән ҡарағандар, республикабыҙҙың йөҙөк ҡашы, тәбиғәт ҡомартҡыһы - Асылыкүл тураһында бик күп ҡыҙыҡлы нәмәләр белгәндәр, төрлө йомаҡтар һәм тыуған яҡҡа арналған кроссворд сискәндәр.

Сара балаларҙың күңелендә юйылмаҫ тәьҫораттар ҡалдырған. Улар китапханасы апайҙары Зөбәржәт Ғизаметдин ҡыҙы Шәймөхәмәтоваға ҡыҙыҡлы әңгәмә өсөн рәхмәт һүҙҙәре еткергән.