Башҡорт ҡатындары сая

Дәүләкән районы Сапай ауылының  «Гәүһәр» башҡорт фольклор ансамбле ағзалары ҡыҙыу ураҡ мәлендә ҡырҙа, ырҙын табағында эшләгән ирҙәре өсөн флешмоб ойошторған.

Һеҙ һүрәттә күргән парҙар комбайнсы Шакир Ғабдрафиҡов ҡатыны Дамира менән.  Иген баҫыуында ҡалай матур итеп торалар, һоҡланып туймаҫлыҡ! Килгән ашлыҡты ырҙын табағында ҡабул итеп тороусы Минзаһир Вальтин хәләл ефете Люциә менән төшкән. Улар урындағы фермер Флүр Сәитгәрәевтың хужалығында тир түгә. Ансамбль ағзаларының йыр-моңдары ҡыр батырҙарына көс-дәрт өҫтәне.