«Алкоголь, наркотиктар + беҙ = юҡҡа сыҡҡан хыялдарыбыҙ»

Зарарлы ғәҙәтттәргә кире ҡараш тәрбиәләү һәм сәләмәт йәшәү рәүеше формалаштырыу маҡсатында Дәүләкән үҙәк китапханаһында «Алкоголь, наркотиктар + беҙ = юҡҡа сыҡҡан хыялдарыбыҙ» тип аталған китап күргәҙмәһе ойошторолдо.

Күргәҙмәгә ҡуйылған әҙәбиәт уҡыусыларға никотиндың, наркотиктарҙың һәм алкоголдең кеше организмына йәшәү өсөн хәүефле йоғонтоһо хаҡында һөйләйәсәк, уҡыусыларға зарарлы матдәләр ҡулланғандарҙың нисек үҙгәреүе, әкренләп унан кешеләрҙең  ситләшеүе һәм уларҙың үҙҙәренең киләсәген юғалтыуы тураһында мәғлүмәт еткерергә ярҙам итәсәк.