Ковидҡа ҡаршы сараларҙың өсөнсө этабы үҙ көсөнә инде

Дүшәмбенән башлап матурлыҡ, косметика, СПА, массаж яһатыу салондарына, физкультура-һауыҡтырыу комплекстарына, фитнес-клубтар, бассейндар,  50 урындан ашыу булған дөйөм туҡланыу урындарына барғанда вакцинация яһатыу тураһында QR-код, ковид менән ауырығанлыҡ хаҡында белешмә йәиһә кире һөҙөмтә күрһәткән ПЦР-тест  күрһәтергә кәрәк.

 Иҫегеҙгә төшөрәбеҙ, 4 октябрҙән Башҡортостанда дәүләт һәм муниципаль музейҙарға, театрҙарға, китапханаларға, мәҙәниәт йорттарына, шулай уҡ күп кеше ҡатнашлығындағы спорт сараларына барғанда прививка тураһында сертификат йәиһә ауырығанлыҡ хаҡында белешмә булыуын талап итәләр.