-8 °С
Облачно
Антитеррор
Все новости
СӘЛӘМӘТЛЕК
6 Декабря 2019, 17:10

АЛОЙ ҮЛӘНЕНЕҢ ФАЙҘАҺЫ ҺӘМ ЗЫЯНЫ

Алой үләненән яһалған дауалар бихисап. Беҙ шулар араһынан яңыларын тәҡдим итәбеҙ.

Өйҙәрендә күптәр алой үләнен үҫтерә. Уны ашҡаҙандың сей яраһын, бөйәнде, эс ҡатыуҙы, шә­кәр диабетын, үпкә шешен, асыҡ яраны, бешкән урынды, ир-ат ме­нән ҡатын-ҡыҙҙың түлһеҙлеген дауалауҙа файҙаланалар.
Юғары ҡан баҫымында
Был ҡатмарлы сирҙән тулыһынса дауаланыу мөмкин түгел тиерлек. Әммә халыҡ медицинаһы ярҙамында хәлде еңеләйтергә була. Иртән ас ҡарынға бер балғалаҡ һыуға өс тамсы алой һуты тамыҙып эсергә. Ике ай дауанан һуң ҡан баҫымы тәртипкә килә.

Герпес
Берәр балғалаҡ алой һутын көнөнә 2-3 тапҡыр аш алдынан эсергә. Герпес сыҡҡан урынға алой үләненең һутын һөртөү кәңәш ителә.
Мейегә ҡан һауғанда (инсульт)
3/4 стакан алой һутында 5 грамм тау бәлзәме (мумие) иретелә. Дауа ас ҡарынға көнөнә ике тапҡыр берәр балғалаҡ ҡулланыла – иртән уяныу менән һәм йоҡлар алдынан. Ике аҙна дауаланғас, ике аҙнаға туҡ­татып торорға. Туҡтап торған арала умартаға яғылып ҡалған балдан (прополис) әҙерләнгән төнәтмә файҙаланыла. Уны ашарға ярты сәғәт алда 20–30 тамсылап көнөнә өс тапҡыр эсергә кәрәк. Артабан яңынан алой менән тау бәлзәменән яһалған шифа ҡулла­ныла. Дауаларҙы һыуытҡыста һаҡлар­ға. Дауаланыу ике ай дауам ителә. Ошо ваҡыт арауығында мейеләге ҡан төйөрҙәре таралып бөтөргә тейеш.
Өс сатлы нервы шешкәндә
Өс сатлы нервы шешкән осраҡта бер балғалаҡҡа тулыр-тулмаҫ алой һутын ашарға ярты сәғәт алда көнөнә өс тапҡыр эсергә.

Һаҡ булырға
Әлбиттә, алойҙың зыяны ла юҡ тү­гел. Тура эсәктең ҡан тамырҙары киңә­йеп, ҡанһырағанда, бигерәк тә һыуыҡ йәки эҫе көндәрҙә унан дауа эсергә ҡушмайҙар. Ашҡаҙан-эсәк юлы, бө­йөр, йөрәк-ҡан тамырҙары сирҙәренең киҫкен сағында, аналыҡтан ҡан аҡҡанда, ирҙәрҙең енес биҙе шеш­кәндә, эске ағзаларҙа таш булғанда, яман шеш осрағында алойҙы файҙа­ланыу тыйыла. Шулай уҡ йөклө ҡатындарға һәм 40 йәште үт­кәндәргә был үлән менән һаҡ булыу кәңәш ителә.
Читайте нас в