Рөстәм Нәбиев Америкаға йәшәргә киткәнме?

БЮТ каналында Яңы йылға байрамына ҡарата әҙерләнгән тапшырыуҙарҙың береһендә Рөстәм Нәбиевтың Эльбрус тауына күтәрелеүе тураһында күрһәттеләр. Ҡуйған маҡсатына ирешкән егеттең күҙ йәштәрен тулҡынланмайынса ҡарарлыҡ түгел ине.

Ошо көндәрҙә интернет селтәрендә Рөстәмдең башта Нью-Йоркка китеүе, артабан Майамиға юлланыуы хаҡында хәбәрҙәр пайҙә булды. Күптәр уның Америкала йәшәргә ҡалырға уйлауына ғәжәпләнде. Әлбиттә, ни тиклем кеше, шул тиклем фекер. Берәүҙәр хуплай, икенселәр икеләнеүен белдерә. Ә минеңсә, ныҡышмалы, шул тиклем үҙ-үҙенә талапсан Башҡортостан егете ҡайҙа ғына йәшәһә лә, барыбер ҙә үҙ иленең патриоты булып ҡаласаҡ.

Фото интернеттан.