Бер тоҡсай сәс йыйҙым...

COVID-19 менән ауырығандан һуң кешенең сәсе ҡойола башлауы мөмкин икән. Был бер-ике айҙан һуң һиҙелә.Әммә ҡурҡып ҡалмағыҙ Ныҡ ҡойолһа ла, кеше сәсһеҙ ҡалмаясаҡ. Ҡойолғандары урынына яңылары үҫеп, бер нисә айҙан барыһы ла элекке хәленә ҡайтасаҡ. Табип менән кәңәшләшеп, организмды нығытыу өсөн кәрәкле витамин, минералдар ҡулланырға кәрәк. Фолий кислотаһы, тимер, В12 витамины тейешле кимәлдә булырға тейеш. Шулай уҡ, табиптар әйтеүенсә, Д3 витамины ла ярҙам итәсәк. Сәсте дауалаусы шампунь менән йыуыу, файҙалы майҙар менән маска эшләү һәйбәт һөҙөмтә бирә.