-27 °С
Облачно
Антитеррор
Все новости
СӘЙӘСӘТ
23 Января 2020, 13:00

Владимир Путинға һуғыш панорамаһын күрһәттеләр

Рәсәй Президенты бер нисә көн элек Санкт-Петербургтың Васильевск утрауында "Память говорит. Дорога через войну" тигән тарихи-художестволы панорама комплексында булып китте.

Экспозицияны "Невский баталист' ижади оҫтаханаһы әҙерләгән. Һигеҙ залға һыйған был күргәҙмә 2000 кв.м. майҙанды биләй.

Панорама һалдаттың 1941 йылда сығып киткән тыуған йортонан алып, окоптар, заводтар аша Сталинградҡа, Кавказ артылыштарында немецтар менән бәрелештәрҙән һуң, Днепр буйҙарындағы яуҙан Европаны азат итергә сығыу һәм Рейхстаг ҡыйығына тиклемге юлын күрһәтә.

Владимир Путин экспозицияны ҡыҙыҡһынып һәм уйсанланып ҡараны. Бында Бөйөк Ватан һуғышы ваҡиғалары ветерандарҙың һөйләүе буйынса һәм архив документтарына таянып, теүәл хронология тәртибендә бирелгән.

Онотмағыҙ, быйыл Еңеүҙең 75 йыллыҡ юбилейын билдәләйбеҙ.

Фото: Кремлин.ру

Яңылыҡ авторы: Алһыу Ишемғолова.
https://rbsmi.ru/work/frontend/web/issue-map/update/85938
Читайте нас в