Путин Юрий Антоновты юбилейы менән ҡотланы

«Һеҙ ялҡынланып, эшкә бар күңелегеҙ менән бирелеп хеҙмәт һалаһығыҙ, эстрада сәнғәтен яратыусыларға иҫ киткес йырҙарығыҙҙы ҡыҙғанмай бүләк итәһегеҙ. Һәр ваҡыт талантлы, моңло һәм танылған – уларҙы төрлө быуын вәкилдәре яратып тыңлай», - тип билдәләне Президент 19 февралдә Кремль сайтында баҫылған ҡотлау телеграммаһында.

Путин композиторға шулай уҡ сәләмәтлек һәм уңыштар теләне.

Юрий Антонов 1945 йылдың 19 февралендә Ташкент ҡалаһында тыуған. Рәсәй йырсыһы, шағир һәм композитор. «Хыялға ышан» («Поверь в мечту»), «Һағыштан шатлыҡҡа тиклем» («От печали до радости») исемле альбомдар яҙҙырған, «Ҡатын-ҡыҙҙы һаҡлағыҙ» («Берегите женщин»), «Алйоттар йомала үлә» («Дураки умирают по пятницам») фильмдарына көйҙәр авторы. РФ атҡаҙанған сәнғәт эшлеклеһе (1993), РФ халыҡ артисы (1997), 4-се дәрәжә «Ватан алдындағы хеҙмәттәре өсөн» (2005), Почет (2010), Дуҫлыҡ (2015), Франциск Скорина (Белоруссия, 2010) ордендары менән бүләкләнгән.