«Был – бик мөһим. Мин һеҙҙең менән тулыһынса килешәм»

Кремлдең матбуғат хеҙмәте хәбәр итеүенсә, InfoWatch компаниялар төркөмө президенты Наталья Касперская Рәсәй Федерацияһының Төп Законына ил граждандарының мәнфәғәттәрен яҡлау тураһындағы төҙәтмәләрҙе индереү хаҡындағы тәҡдим менән сыҡты.

«Мин 90-сы йылдарҙа Конституция яҙылған ваҡытта булмаған теманы дауам итергә теләйем, сөнки мәғлүмәттәр әйләнеше һәм граждандарҙың мәнфәғәттәрен яҡлау – был, миңә ҡалһа, дәүләт эше һәм дәүләт ҡарамағында булырға тейеш», - тине Наталья Касперская.

«Был – бик мөһим. Мин был мәсьәләлә һеҙҙең менән тулыһынса килешәм», - тип билдәләп үтте Владимир Путин.

Тәҡдим ителә торған төҙәтмәләрҙе индереү тураһындағы ҡарарҙы ил халҡы дөйөм Рәсәй тауыш биреүендә ҡабул итәсәк. Президент был көндө ял көнө тип иғлан итте.

Фото: mqazeta.com сайтынан.