Владимир Путин Хәүефһеҙлек Советы ағзалары менән оператив кәңәшмә үткәрҙе

Рәсәйҙе нимә борсой? Проблемалар етерлек, әлбиттә. Ә сәйәси йәһәттән беҙ Сүриәләге хәл-торошҡа борсолабыҙ. Унда беҙҙең хәрбиҙәр ҙә үлә.

Тағы ла яңы проблема: донъя баҙарында "түңкәрелеш" булмаҡсы. Нефть хаҡы арзанайҙы, һум төштө, уға ҡарата доллар менән евро күтәрелде.

Һәм йәнә: коронавирус. Көн һайын Рәсәйҙә әллә нисәмә кеше шуны йоҡтороуы билдәле була бара. Өс көн элек кенә вируслылар һаны 70-кә етмәй ине, хәҙер иһә 90-дан ашты, буғай.

Владимир Путин Хәүефһеҙлек Советының даими ағзаларын йыйып, бына шул хаҡта һөйләште. Моғайын, бәлә-ҡазанан һаҡлана алырбыҙ. Өҫтәүенә, яҙғы ташҡынға ла күп ҡалманы. Уныһының нисек булырын белмәйбеҙ әле...

Фото: Кремлин.ру

Яңылыҡ авторы: Алһыу Ишемғолова.

https://yeshlek.rbsmi.ru/articles/ya-yly-tar-ta-ma-y-netu/Vladimir-Putin-H-ef-e-lek-Soveti-a-zalari-men-n-operativ-k--shm--tk-r-e-168090/