Иҫтәлекле тантана

Дәүләкән ҡалаһы һәм районы ветерандары ир­тәнсәк «тимер аттарға» ултырып Ивановка ауылына юл тотто. Улар Ивановка ауылы мәктәбе алдында урынлашҡан һәйкәлгә венок һалдылар, бер минутҡа тын ҡалып Советтар Союзы Герой­ҙары Н.М. Бусаргин һәм В.И. Утинды иҫкә алдылар. Мәктәп уҡыусылары байрамға сағыу сығыштар әҙерләгән. Сараның иң тулҡынландырғыс мәле уҡыусыларҙың һауаға шарҙар осороуы һәм са­лют булды. Ивановка ауылы ил һаҡсыларына һәм Ивановка ауылы билємєће хакимиәте башлығы В.И. Никульшин­ға, мәктәп директоры В.М. Мәүлийәровҡа һәм баш­ҡаларға юбилей ми­ҙал­дары, сараны ойошто­роу­ҙа әүҙем ҡатнашҡан Л.И. Ютки­наға һәм Т.М. Саловаға Почет гра­моталары тапшырылды.

Төшкә табан утыҙға яҡын машина Дәүләкән ҡалаһына үҙәк майҙанға йыйылды. Сараны район Мәҙәниәт йортоноң тын­лы оркестры башлап ебәр­ҙе.

Марш тауыштары аҫ­тында Хәрби Дан скверына юл тоттолар, сараның төп өлөшө ошонда үтте. Ми­тингыны Дәү­ләкән районы муниципаль район хакимиәтенең социаль һәм кадрҙар сәйәсәте бу­йынса урынбаҫары Ю.А. Куз­нецов асты. Артабан һүҙ Әлшәй һәм Дәүләкән райондары хәрби комиссары урынбаҫары Н.А. Во­роновҡа бирелде. Сараға килгән ҡунаҡтарҙы “Хәр­би ту­ғанлыҡ” һәм “Аф­ғанстан ветерандары союзы” йә­мәғәт ойошмалары вәкилдәре Ю.Б. Балаба, В.Я. Пет­ров ҡотланы. Сығыш яһаусылар билдәләп үтеүенсє, 1918 йылдың 28 майында халыҡ ко­миссарҙары Советы Дек­реты ҡабул ителә, һәм РСФСР дәүләт сиктәре һағы булдырыла. Шунан бирле был көн Ил сиге һаҡсылары көнө тип билдәләнә башлай. Был ысын ир-егеттәрҙең үҙҙәренең батырлығын күрһәтеп, үҙ өҫтөнә ҙур яуап­лылыҡ алып, Вата­ны­быҙҙы һаҡлауын ањлата. Сарала офицерҙарға, сер­жант­тар­ға, лейтенанттар­ға батырлыҡтары өсөн рәхмәт хаттары тапшырылды, рәхмәт һүҙҙәре яңғыраны. Башҡор­тос­тандың башҡа сиктәр менән дө­йөм сиктәре юҡ, әммә бөйөк илдең һағында тороуҙың тәрән йолаһы бар. Башҡорттар үҙ ирке менән Рәсәй дәүләтенә ҡу­шылғандан алып Урал, Ырымбур дистанцияларында (Каспий диң­геҙенә тиклем) йыл әйләнәһенә 1239 саҡрымда сик буйын һаҡлай, үткән йылдар эсендә, Башҡортостан һәм Дәү­ләкән районы егеттәре ил сиге һаҡсылары сифатында хеҙмәт итә, уларҙың күбеһе дәүләт сиген һаҡ­лау­ҙы үҙҙәренең төп бурысы тип ћанай. Рәсәй Фе­де­рацияһының ил сиге хеҙмәте тарихында ба­тыр­лыҡ миҫалдары күп. Рәсәй Федерацияһы дәүләте сиктәрендә бөгөн данлы геройҙарҙың исемен йөрөткән сик буйы заставалары аҙ түгел. Бөгөн беҙ Советтар Сою­зы Геройы сєйєси етәк­сеһе урынбаҫары Василий Ильич Утинды иҫкә алабыҙ. В. И. Утин беренселәрҙән булып тыуған илде һаҡлап, Советтар Сою­зының көнбайыш сигендә 1941 йылда дошманға ҡаршы ҡаһармандарса алыша һәм һәләк була. Калининград өлкәһендәге заставаларҙың береһе уның исемен йөрө­тә. Батырлыҡ ордены кавалерҙары, пограничниктар Марсель Илгиз улы Рах­манҡолов һәм Шишмә районынан Ильяс Рәйес улы Әсәҙуллин ил сиген һаҡлауға үҙ ғүмерҙәрен биргәндәр.

Сығыш яһаусылар барлыљ пограничниктарға, уларҙың ғаиләләренә һәм яҡындарына ҡоростай һаулыљ, аяҙ күк йөҙө, иртәгәге көнгә ышаныс һәм татыулыҡ теләне. Митинг барышында Әл­шәй һәм Дәүләкән райондары, Дәүләкән ҡалаһы хәрби комиссарының сик буйы хеҙмәте ветерандарының әүҙемлеге менән айырылған вәкилдәрен «Сик буйы ғәскәрҙәре булдырылыуҙың 100 йыл­­­­лығы» юбилей миҙалдары менән наградлау тураһындағы бойороғо уҡып ишеттерелде. «Баш­ҡортостандың сик буйы ғәскәрҙәре ветерандары» республика ойошмаһының район бүлеге активистары Ю.Б. Бала­баға һәм В.Я. Петровҡа йәмәғәт наградалары һәм почет грамоталары тапшырылды.

Сик буйы ғәскәрҙәренең диңгеҙ өлөшө вәкиле Р. Ғатауллин һәм Дәүлә­кән ҡалаһының сик буйы ғәскәрҙәре ветерандары советы рәйесе М. Ғәитов барыһын да байрам менән ҡотланы.

Сарала ҡатнашыусылар һәләк булғандарҙы бер минут тын ҡалып иҫкә алды, мемориалға веноктар һалды.

Тантана үҙәк майҙанда Ивановка ауылының үҙешмәкәр сәнғәт түңәрәгендә ҡатнашыусылары, район Мәҙәниәт йорто солистары ҡатнашлығында ойошторолған концерт менән тамамланды.