Беҙҙең Ҡыҙрас ауыл китапханаһында йыл да “Балалар китабы аҙналығы” уҙғарыла. Быйыл ул республикабыҙҙың 100 йыллығына, Театр йылына һәм шағир Мостай Кәримдең 100 йыллығына арналды. Шагаев Алмаз (1-се класс), Дәүләтбаева Света, Миңлебаев Илмир, Ғәскаров Рөстәм, Минеғәлина Лилиә (3-сө класс), Гәрәев Илнар (4-се класс), Мөхәмәтғәлина Айһылыу, Гәрәева Рената, Ғиззәтуллина Алина (5-се класс) республикаға арнап һүрәттәр төшөрҙө, викторина һорауҙарына яуап бирҙе, иншалар яҙҙы.
Мостай Кәримдең шиғырҙарын уҡыныҡ, яттан һөйләнек. Театр йылына арнап, “Шалҡан” әкиәтен сәхнәләштерҙек. Төрлө ҡыҙыҡлы уйындар уйнаныҡ.