Күмәкләгән яу ҡайтарған

Республика буйынса барған өмәләрҙә Алға ауылы биләмәһе лә ситтә ҡалманы. Ауылдың әүҙем кешеләре, мәҙәниәт хеҙмәткәрҙәре ауыл биләмәһе башлығы Салауат Минефәрит улы етәкселегендә тирә-яҡ территорияны йыйыштырҙы. Ҡаты көнкүреш ҡалдыҡтары тоҡтарға тултырылды. Өлкән ағайҙар Урал Арыҫланов, Рәис һәм Зәки Мөхәррәмовтар, Тимербулат Ҡаһарманов, Миҙхәт Зарипов, Минсабир Ғайсин йәштәр менән бер тиң эшләне. Өмәнән һуң тирә-яҡ тағы матурланып, йәмләнеп киткәндәй булды. Ауылдаштарымдың барыһына ла рәхмәтемде белдерәм.