Ҡала үҙәгендәге фонтан

Ҡала үҙәгендәге фонтан күптәрҙең яратҡан ял урыны. Ҡояш ҡыҙҙырған көндәрҙә йәш ата-әсәләр сабыйҙары, өләсәй-олатайҙар ейән-ейәнсәрҙәре менән тап ошонда килә. Йәштәрҙе лә фонтан даими үҙенә ылыҡтырып тора, шуға бында кеше өҙөлмәй. Ағас күләгәһендә ултырып ял итергә, көс йыйырға, рәхәтләнеп туңдырма ашап, күңелгә рәхәтлек алырға мөмкин.