Секретарҙар көнө

Рәсәйҙә секретарҙарҙың рәсми рәүештә һөнәри байрамы юҡ. Әммә 2005 йылда Мәскәү, Санкт-Петербург, Воронеж, Таганрог, Дондағы Ростов, Пермь ҡалалары секретарҙарының инициатив төркөмө, шулай уҡ «Секрет@рь.RU» журналы редакцияһы был ғәҙелһеҙлекте төҙәтергә була. Үҙ эшенең оҫталары Секретарь көнөн булдырырға һәм уны сентябрҙең өсөнсө йомаһында билдәләргә тәҡдим итә.

Иҫегеҙгә төшөрөгөҙ, көнөнә һеҙгә нисә тапҡыр секретарға мөрәжәғәт итергә тура килгәне бар? Мәғлүмәт эҙләгәндә, документтар менән эш иткәндә уларҙың ярҙамы баһалап бөткөһөҙ.

Рәсәйҙә миллионға яҡын секретарҙар, офис-менеджерҙар, етәксе ярҙамсылары иҫәпләнә, һәм улар башҡа хеҙмәткәрҙәргә уңайлы булһын өсөн 8-12-шәр сәғәт эшләй.