Яғыулыҡ миҙгеле – айырыуса хәүефле осор

Статистика күрһәтеүенсә, көҙгө-ҡышҡы осор етеү менән янғында һәм уларҙа кешеләр һәләк булыуы артыуы күҙәтелә. Бының төп сәбәбе – мейестәр һәм йылытыусы приборҙар ҡулланғанда янғын хәүефһеҙлеге ҡағиҙәләрен күҙәтмәү.

Үткән аҙнала республикала мейестәрҙе һәм йылытыу приборҙарын ҡулланғанда янғын хәүефһеҙлеге ҡағиҙәләрен боҙоу һөҙөмтәһендә - 10 янғын, газ ҡорамалдарын файҙаланыу ҡағиҙәләрен боҙоу һөҙөмтәһендә өс янғын сыҡҡан.

9108 янғында 194 кешенең ғүмере өҙөлгән.

БР Ғәҙәттән тыш хәлдәр буйынса дәүләт комитеты йылытыу приборҙарын файҙаланыу ҡағиҙәләрен иҫегеҙгә төшөрә.

Мейес яҡҡанда:

-мейесте, төтөн юлдарын ныҡлап тикшерегеҙ, ҡоромдан таҙартығыҙ, ремонтлағыҙ;

-туңған торбаларҙы иретеү өсөн, шулай уҡ сарҙаҡта, подвалда асыҡ ут ҡулланмағыҙ;

-балаларға мейес яғырға ҡушмағыҙ;

-мейес алдына 50х70 см ҙурлыҡта металл ҡалай ҡағығыҙ, уның өҫтөнә утын, башҡа яғыулыҡ материалдары өймәгеҙ;

-мебелде мейескә яҡын ҡуймағыҙ - улар ҡыҙып, ут сығыуы ихтимал;

-мейес яҡҡанда еңел тоҡанып китеүсән һәм яғыулыҡ материалдары ҡулланмағыҙ;

-йылытыу мейестәрен урынлаштырырға йәки ремонтларға кәрәк булғанда был эштәргә махсус таныҡлығы булған кешеләрҙе генә саҡырығыҙ.

Йылытыусы электр приборҙарын файҙаланыу ҡағиҙәләре:

-электр сымдарын һәм ҡорамалдарын төҙөк хәлдә тотоғоҙ;

-монтаж һәм ремонт эштәренә электромонтерҙы ғына саҡырығыҙ;

-ҡыҫҡа ялғаныштан, артыҡ ауырлыҡ төшөүҙән һаҡланыр өсөн заводта етештерелгән һаҡлағыстар (предохранители ) ғына ҡулланығыҙ;

-электр приборҙарын электр селтәренә заводта етештерелгән штепселдәр менән генә тоташтырығыҙ;

-электр менән эшләүсе йылытҡыс приборҙарҙы ҡыҙмай торған әйбер өҫтөнә урынлаштырығыҙ, мебелдәргә, келәмдәргә, шаршауҙарға һәм башҡа тиҙ тоҡанып китеүсән әйберҙәргә яҡын ҡуймағыҙ;

-үҙаллы эшләнгән йылытҡыстарҙы бина йылытыу өсөн ҡулланмағыҙ;

-кейемдәрегеҙҙе, башҡа тиҙ тоҡанып китеүсән әйберҙәрҙе йылытҡыс өҫтөндә киптермәгеҙ;

-селтәргә тығылған электр приборҙарын ҡараусыһыҙ ҡалдырмағыҙ;

-иҫкергән сымдарҙы ҡулланмағыҙ;

-балаларҙы ҡараусыһыҙ ҡалдырмағыҙ, уларға ҡабыҙылған электр приборҙарын, йылытҡыстарҙы ҡарап торорға ҡушмағыҙ.

Төтөндө тойоусы элементтар ярҙамында көслө тауыш биргән, ут сығыуын иҫкәрткән извещатель ҡуйып, янғынды булдырмаҫҡа, кешеләрҙең үлеменә юл ҡуймаҫҡа, матди зыян килтермәҫкә мөмкин. Уның ярҙамында өс йыл эсендә республикала 286 кеше ҡотҡарылған, уларҙың 126-һы – балалар.

Иҫегеҙҙә тотоғоҙ! Янғындың сәбәптәре төрлө, ә сәбәпсеһе берәү генә – янғын хәүефһеҙлеге ҡағиҙәләрен күҙәтмәгән кеше.

Ошо ҡағиҙәләрҙе боҙоусылар законға ярашлы тәртиптә яуаплылыҡҡа тарттырыла.

Янғын эҙемтәләрен уйлап ҡайғырып ултырғаныс, уны булдырмау хәйерле!

БР Ғәҙәттән тыш хәлдәр буйынса дәүләт комитетының янғындарҙы иҫкәртеү хеҙмәте үҙәге.