Бар яҡлап та талантлы

«Әхирәттәр» ансамбленең иң әүҙем ҡатнашыусыһы тип Гөлйөҙөм Ситдиҡ ҡыҙы Вәлиеваны (һүрәттә һулда) әйтергә була. Һәләтле кеше бар яҡлап та һәләтле: ул матур итеп йырлай ҙа, оҫта хужабикә лә, башҡорт милли түшелдеректәре тегеү һәм мәрйендән төрлө әйберҙәр эшләү менән дә мауыға. Уның йортонан кеше өҙөлмәй. Ҡунаҡсыл, изге күңелле, бер ҡасан да төшөнкөлөккә бирелмәй торған Гөлйөҙөм Ситдиҡ ҡыҙын олоһо ла, кесеһе лә ярата һәм хөрмәт итә.