Мостай Кәрим иҫтәлегенә

Республикала Башҡортостандың халыҡ шағиры, күренекле яҙыусы, драматург һәм йәмәғәт эшмәкәре Мостай Кәримдең юбилейына арналған саралар үтте.

Тантаналы сараларҙа ҡатнашыу, Мостай Кәримде хөрмәтләп иҫкә алыу һәм тағы бер тапҡыр уның әҙәби мираҫына ҡағылыу өсөн Рәсәйҙән һәм сит илдәрҙән абруйлы ҡунаҡтар килде,

Өфөнән һәм республиканан уның ижадын һөйөүселәр йыйылды.

19 октябрҙә Мостай Кәрим исемендәге скверҙа (Профсоюздар йорто янында) көн дауамында төрлө телдәрҙә шағирҙың шиғырҙарын тыңларға мөмкин булды. Сарала яҙыусылар, актерҙар, балалар һәм студенттар ҡатнашты. Шулай уҡ был көндө халыҡ шағирының һәйкәленә сәскәләр һалынды.

20 октябрҙә юбилей саралары яҙыусының тыуған яғында – Шишмә районының Келәш ауылында ойошторолдо.

Мифтахетдин Аҡмулла исемендәге Башҡорт дәүләт педагогия университетында Мостай Кәримгә бюст асылды. Бронза ялатылған бюстың скульпторы – Юрий Солдатов. Уның күсермәһе яҙыусы һуңғы йылдарҙа йәшәгән Энгельс урамында йорт барельефын биҙәй.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1