-7 °С
Облачно
Антитеррор
Все новости
ЙӘМҒИӘТ
8 Ноября 2019, 19:10

«Ҡаҙ өмәһе» - аҡ ҡанаттар байрамы

«…Ҡаҙ ҡанаты ҡаурый-ҡаурый, Хаттар яҙырға ярай. Уйнамағас та, көлмәгәс, Был донъя нигә ярай...».«Ҡаҙ өмәһе» - боронғо милли байрамдарыбыҙҙың береһе.

«…Ҡаҙ ҡанаты ҡаурый-ҡаурый,
Хаттар яҙырға ярай.
Уйнамағас та, көлмәгәс,
Был донъя нигә ярай...».
«Ҡаҙ өмәһе» - боронғо милли байрамдарыбыҙҙың береһе.
Ҡыҫҡа көндәре, ҡараңғы төндәре менән дан тотҡан ноябрь айы ер өҫтөндә хакимлыҡ итә. Тупраҡҡа ҡырау төшә, һирәк-һаяҡ күктән ҡар-йондоҙҙар ҡойола. Көндәр яйлап һалҡынайта. Оҙаҡламай инде ҡыш ап-аҡ мамыҡ юрғаны менән ерҙең өҫтөн ҡаплар.
Шундай көндәрҙә ауылдар һәм ҡалаларҙа йәшәүселәр тамырҙары менән тарих төпкөлөнә киткән байрам – «Ҡаҙ өмәһе» үткәрә.
Йола буйынса «Ҡаҙ өмәһе»нә йыйылыусылар бар эштәрҙе лә бергәләп башҡара: ҡаҙҙар һуя, түшкәләрҙе эшкәртә, ҡаурыйҙарын йолҡа, уларҙан йәш ҡыҙҙарға бирнәгә мамыҡ мендәрҙәр әҙерләй. Эш тамамланыуға хужабикә мейестән бәлештәрен ала, мул табын ҡора. Йыр-бейеү, уйын-көлкө артабан да дауам итә. Бергәләп эшләүе лә, ял итеүе лә күңелле!
Читайте нас в