Лимон һәм әфлисун менән ҡатлы бәлеш

Ҡамыр өсөн:

1 стакан йылы һөткә 1 аш ҡашығы ҡоро сүпрәне һалып, күпертеп алабыҙ.

100 гр аҡ май эретәбеҙ, 1 аш ҡашығы шәкәр ҡомо һалабыҙ, 0,5 сәй ҡалағынан аҙыраҡ тоҙ, 1 йомортҡа, күпертелгән һөтлө сүпрәне һалып бутайбыҙ ҙа, он өҫтәп, ҡамыр баҫабыҙ. Йылы урынға ҡабартырға ҡуябыҙ.

Эслек өсөн:

1 лимон, 2 әфлисунды ит турағыс аша үткәреп, шәкәр ҡомо һалабыҙ. Ҡамырҙы 3 өлөшкә бүләбеҙ. Ҙурыраҡ өлөшөн йәйеп, табаға һалабыҙ, ҡамыр өҫтөнә эслек һалабыҙ, бәләкәй киҫәк ҡамырҙы йәйәбеҙ, тағы ла эслек, шунан тағы ла – ҡамыр. Май, шәкәр ҡомо һәм ондан ыумас ыуып бәлеш өҫтөнә һибәбеҙ. Сәйегеҙ тәмле булһын!

Мәрйәм Минеғолова.

Фото социаль селтәрҙәрҙән алынды.