-7 °С
Облачно
Антитеррор
Все новости
ЙӘМҒИӘТ
23 Декабря 2019, 16:45

Йомортҡанан Яңы йыл өҫтәленә ҡабымлыҡтар!

Улар тиҙ һәм еңел әҙерләнә, телде йоторлоҡ тәмле була, өҫтәүенә, бик матур ҙа күренәләр.

Йомортҡаларҙы ҡаты итеп бешерегеҙ. Уртаға бүлеп сығығыҙ һәм, һарыларын алып, ваҡ итеп туралған авокадо менән ыуығыҙ. Тәменсә тоҙ, майонез ҡушып бутағыҙ һәм был массаны йомортҡа аҡтары эстәренә тултырып сығығыҙ. Авокадо урынына тәрәс (треска) балығы бауырын йәиһә диңгеҙ ҡыҫалаһы (краб) итен (консерваларҙа һатыла) ҡулланһағыҙ ҙа була. Был осраҡта тоҙ кәрәкмәй.
Ҡабымлыҡтарҙы йәшел тәмләткестәр менән биҙәһәгеҙ, матурыраҡ та, тәмлерәк тә булыр. Борос һибергә лә була. Яңы йыл табынығыҙ йәмле, аштарығыҙ тәмле булһын!
Читайте нас в