Мәктәптә борсоулы хәл

Бының сәбәбе булып бер нисә көн элек физик культура дәресендә сыҡҡан ыҙғыш тора. Уның һөҙөмтәһендә 7-се класта уҡыған малай икенсеһенең умыртҡа һөйәген һындыра. Был ыҙғыштың видеоһы социаль селтәрҙәргә ҡуйыла. Ә уҡытыусы был ваҡытта ни ҡараған һуң?

- Инцидент дәрестә була һәм зыян күреүсе малайҙың ата-әсәһе уҡытыусының да ғәйебе барлығын иҫбат итергә тырыша, - тип һөйләй ваҡиға менән яҡындан таныш булыусылар. – Был уҡыусыны һәр ваҡыт класташтары йәберләй, кәмһетә һәм туҡмай. Әммә был юлы саманан арттырып ебәрәләр һәм һөҙөмтәлә малайҙың ғүмерлеккә инвалид булып ҡалыуы бар.

Республиканың Тәфтиш комитеты тикшереү эштәре башлаған.

Фото интернеттан алынды.