Наҙгөл Ҡорбанғәлиева – еңеүселәр иҫәбендә!

Талбазы ҡасабаһында ашнаҡсы һөнәренә уҡып йөрөгән ҡыҙ “Йәш профессионалдар” асыҡ төбәк чемпионатында 500-ҙән ашыу ҡатнашыусы араһында икенсе урын яуланы.

Чемпионаттың маҡсаты – халыҡ-ара ярыштар үткәреү аша эшсе һөнәрҙәрҙе популярлаштырыу. Ошондай абруйлы конкурста яҡташыбыҙҙың уңышҡа өлгәшеүе беҙҙең өсөн ҙур һөйөнөс. Наҙгөлгә артабан да уңыштар, яңы еңеүҙәр теләйбеҙ. Быйылғы йыл да уңыштар килтерһен.