Февраль – ша ҡ а й

Бер йылытып, бер һыуытып торғандан, бөтә нәмәне шаҡырайтып туңдырғандан халыҡ уны элек ш а ҡ а й тип атаған.

Февралдә һыйырҙар быҙаулай, һарыҡтар бәрәсләй башлай. Тауыҡтар йомортҡа һалырға керешә. Ағастарҙа бөрөләр бүртә. Урман – ҡырҙарҙа төлкө, бүреләрҙең туйҙары башлана, улар был мәлдә ныҡ уҫаллана. Аҡландарҙа ҡуяндар уйнай. Ай аҙағында тәбиғәттә мөғжизәле күренеш – һ у й ы р у й н а у ы башлана. Мышылар мөгөҙҙәрен һала.

Һынамыштар

Февраль ныҡ буранлы булһа, август ямғырлы булып, ужым уңыр.

Ҡайын ботағында ҡар алҡа-алҡа булып аҫылынып торһа, иген уңыр.

Бәҫ күп булһа, бал күп булыр

Февраль һалҡын һәм ҡоро торһа, август эҫе буласаҡ.