Вирусһыҙ яңы картуф төрҙәре сығарылды

Был юлы уҡыу йортоноң селекционерҙары юғары уңыш ала торған «Эрвел», «Агата HC», «Ирәндек» сорттарын тәҡдим итте. Улар Волга буйы федераль округы климатына яраҡлашҡан, төрлө ауырыуҙарға ла бирешмәй. Әлеге көндә «Эрвел»ға патент алырға әҙерләнәләр, ә «Агата HC» һәм «Ирәндек» селекцион ҡаҙаныштарҙың дәүләт реестрына индерергә тапшырылған. Шуны ла билдәләп үтергә кәрәк, тағы ла картуфтың дүрт төрө Рәсәй төбәктәренә һынауға ебәрелгән.